Edhe pse gjatë Wimbledonit pati spekulime për ndarjen e çiftit më të njohur të tenisit dhe se media dha informacion se Stefanos Tsitsipas dhe Paula Badosa nuk janë më ‘të dashuruar’, ka mbërritur konfirmimi zyrtar.
Shenja e parë e fundit ishte fakti që çifti më i famshëm i tenisit, tashmë ish-çifti, nuk e ndiqte më njëri-tjetrin në Instagram, gjë që është një tregues serioz i fundit të një romance këto ditë, e ndjekur nga disa konfirmime të tjera.
Tsitsipas u eliminua në raundin e parë të Wimbledonit dhe pikërisht atëherë tifozët vunë re se Badosa nuk ishte midis ndjekësve të tij.
Një tjetër konfirmim dha gazeta spanjolle “Hola!”, e cila shkroi disa herë për ndarjen e çiftit të famshëm të tenisit, dhe të gjitha deklaratat konfirmohen nga anulimi i pjesëmarrjes në US Open.
Është gjithashtu interesante që pak para fillimit të Wimbledonit, profili zyrtar i US Open në Platformën X publikoi një video në të cilën Tsitsipas dhe Badosa mund të shihen duke folur për pjesëmarrjen e tyre të përbashkët në këtë ndeshje.
“Besoj se është një nga ndjesitë më të mira të jesh në fushë me Paulin. Patëm disa situata ku luajtëm një kombinim dhe dukej mirë. Ne e shijojmë shoqërinë e njëri-tjetrit në fushë dhe bëjmë diçka të shkëlqyer prej saj”, tha Tsitsipas në atë kohë.
