Policia e Kufitare e Vlorës ka gjetur rreth tre mijë litra naftë të braktisura në ishullin e Sazanit.
Përveç kësaj sasie karburanti, efektivët nuk kanë gjetur asgjë tjetër, por nga informacionet paraprake, ata dyshojnë se karburanti mund të jetë sjellë aty për të furnizuar një mjet ujor që do të përdorej për trafik droge.
Kontrollet e policisë u realizuan pas marrjes së një informacioni për një mjet të dyshuar që mund të kryente lëvizje të kundraligjshme, duke ardhur nga Italia dhe duke u larguar më pas përsëri drejt shtetit fqinj. Pas këtij informacioni, autoritetet nisën kontrolle të gjera në të gjithë zonën.
Gjatë kontrollit, Policia Kufitare gjeti mbi 3,000 litra karburant në ishullin e Sazanit, të cilat mund të cilat thuhet se do të përdoreshin nga një mjet ujor, i dyshuar për transportimin e lëndës narkotike.
Ndërsa ka dhe dyshime të tjera se nga disa burimeve jozyrtare të cilat thonë se Policia Kufitare dhe Guardia di Finanza kanë evidentuar fillimisht mjetin, i cili ka hyrë në ujërat territoriale shqiptare, ku ka nisur ndjekjen e tij.
Sipas po të njetave burimeve, mjeti është afruar pranë ishullit të Sazanit, për t’u furnizuar me karburant dhe për të vazhduar më pas itinerarin e tij por në këto momente ka nisur ndjekja e tij duke bërë që të ndryshojë totalisht drejtim.
Burimet thonë se mjeti ka arritur të shpëtojë ndjekjes nga Guardia di Finanza dhe Roja Bregdetare Shqiptare dhe se mendohet se ka marrë drejtimin drejt Turqisë.
Dyshohet se edhe mund të jetë hedhur diçka në det, por dhe kjo mbetet ende e pakonfirmuar.
Pavarësisht se nuk është arritur të kapet mjeti ujor, kanë nisur hetimet për të zbuluar personat që dërguan karburantin në ishullin e Sazanit si dhe për motivin e transportimit të këtij karburanti në këtë zonë.
Sipas burimeve nga policia, ngjarja ka ndodhur 4 ditë më parë ndërsa pas gjetjes së karburantit, Policia Kufitare ka kërkuar nga të gjithë drejtuesit e mjeteve ujore të raportojnë vendndodhjen e mjeteve të tyre, duke krijuar një regjistër të ri, i cili kishte munguar prej vitesh.
