Një rast prostitucioni është goditur nga blutë e Durrësit. Mësohet se katër persona, mes tyre dhe të huaj me shtetësi amerikane dhe bjelloruse kryenin prostitucion në ambientet e një pallati në lagjen nr. 4.
Ata po procedohen penalisht nga policia, e cila i ka sekuestruar dhe tre pasaporta dhe shuma parash të përfituara nga kjo veprimtari kriminale.
Njoftimi i Policisë:
Të implikuar në një rast prostitucioni, që kryhej në ambientet e një pallati në lagjen nr. 4, procedohen penalisht 4 shtetas (shqiptarë dhe të huaj).
Sekuestrohen 3 pasaporta, 5 celularë dhe shuma parash të valutave të ndryshme të dyshuara të përfituara nga kjo veprimtari kriminale.
Specialistët e Seksionit për Hetimin e Trafiqeve të Paligjshme të DVP Durrës, bazuar në informacionet e siguruara nga inteligjenca policore, goditën një tjetër rast të veprimtarisë kriminale të prostitucionit. Për këtë rast u referuan materialet në Prokurori, ku nisën procedimet në gjendje të lirë për shtetasin , 20 vjeç, banues në Durrës, si dhe për shtetasit 56 vjeç, 28 vjeçe dhe 36 vjeçe (me shtetësi amerikane dhe bjelloruse).
Të 4 shtetasit u kapën në ambientet e një pallati në lagjen nr. 4, teksa shfrytëzonin për prostitucion ose ushtronin këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
