Bashkëthemeluesi i OpenAI, Greg Brockman, është rikthyer në kompani pas “një pushimi tre mujor”.
Brockman, i cili më parë ishte president i OpenAI dhe është një aleat kryesor i CEO, Sam Altman, konfirmoi më parë se ai do të merrte një pushim në gusht “deri në fund të vitit”.
Të martën, ai u dërgoi stafit një memo duke njoftuar kthimin e tij, raportoi fillimisht Bloomberg.
Ai tha se kishte punuar me Altman për të zhvilluar një rol të ri për të që do t’i lejonte atij të punonte në sfida të rëndësishme teknike.
“Pushimet më të gjata të jetës sime përfunduan. Kthehem në ndërtimin e @OpenAI”, tha Brockman në një postim në X, duke konfirmuar kthimin e tij.
