Është hapur një ‘GoFundMe’ për t’i ardhur në ndihmë këngëtares së njohur shqiptare, Parashqevi Simaku.
Mbledhja e fondeve është nisur nga sipërmarrësi dhe modeli Elton Ilirjani, i cili ka vendosur si qëllim një shifër për të siguruar një rikthim të artistes.
Synimi sipas tij është mbledhja e një milion dollarëve.
Mesazhi i Ilirjanit për këtë organizim:
“Unë quhem Elton Ilirjani, një sipërmarrës ndërkombëtar dhe model ne fushën e modes me banim në Neë York City, Shtetet e Bashkuara te Amerikes.
E krijova këtë iniciativë për mbledhje fondesh sepse u frymëzova dhe u preka thellësisht nga historia dhe arritjet jashtëzakonisht të suksesshme artistike të zonjës Parashqevi Simaku (Nolfe) – këngëtarja jonë Diva shqiptare – per arsye të situatës dhe gjendjes së saj të vështire aktuale.
Sot është momenti ynë qe t’i tregojmë Divës tonë kujdesin, dashurinë, respektin dhe admirimin maksimal për kontributin e saj të pamasë në kulturën dhe muzikën shqiptare në përgjithësi.
Unë mund t’ju siguroj absolutisht se çdo qindarkë që do të mblidhet përmes kësaj fushate për mbledhjen e fondeve do të menaxhohet siç duhet dhe do të shkojë vetëm për mirëqenien, interesin dhe prosperitetin e saj, në mënyrë që të përpiqemi sa më shumë që të jetë e mundur për t’i rikthyer zonjës Simaku dinjitetin, respektin dhe admirimin që ne kemi si komb ndaj saj.
Sinqerisht,
Elton Ilirjani”. /Telegrafi/
