Tetëmbëdhjetë vjeçari Sun Liang nga Kina kishte vetëm një vit që kishte nisur ta praktikonte shëtitjen më shpesh, por ai ndihej gati të ndërmerrte një hap tjetër.
Ai kaloi dy javë duke u përgatitur për të kaluar në shtegun Ao-Tai në malet Qinling të Kinës veriperëndimore.
Me vete kishte pajisje teknologjike dhe hartën e shtegut.
Por teknologjia që funksionon në temperaturën e dhomës mund të dështojë plotësisht kur i nënshtrohet të ftohtit të pandërprerë.
Brenda dy ditësh, teknologjia e tij dështoi dhe ai mbeti “i vetëm”.
Më pas Sun Liang u rrëzua keq, madje humbi edhe ndjenjat, dhe humbi furnizimet e tij ushqimore.
Pra, ai humbi në atë që duket të jetë shtegu më vdekjeprurës në Kinë, pa ushqim apo një mënyrë për të thirrur për ndihmë, shkruan yahoonews.
Bëhet e e ditur se Ao-Tai shtrihet afërsisht 170 km midis maleve Ao dhe Taibai pranë Xi’an dhe ka një lartësi mesatare 2,500 metra.
Moti aty është shpesh i ftohtë dhe gjithmonë i paparashikueshëm.
Përveç lartësisë dhe motit ekstrem, shtegun e karakterizon edhe terreni.
Herë pas here në të shfaqen edhe kafshë të egra.
Shumë njerëz kanë vdekur ose janë zhdukur midis 2012 dhe 2017 — sa në vitin 2018, autoritetet ndaluan hyrjen në zonë.
Por, Sun ndjeu, saktë, se ishte më afër fundit të shtegut sesa fillimit.
Kështu që ai vazhdoi të përballonte dhimbjen, urinë dhe lodhjen.
Në mungesë të ushqimit, ai hëngri pastë dhëmbësh.
Dhe kështu arriti ta mbajë veten në jetë edhe për pesë ditë të tjera pasi humbi të gjithë ushqimin.
Ditën e dhjetë, më 17 shkurt, ndjeu erë tym.
Duke e ditur se kjo do të thoshte se njerëzit ishin afër, Sun filloi të bërtiste.
Doli se tymi ishte nga shpëtimtarët, të cilët e gjetën shpejt kinezin. E ushqyen dhe së bashku, një natë të fundit e kaluan në mal.
“U bëj thirrje të tjerëve të mos e provojnë këtë shteg – jeta është shumë e vlefshme për të rrezikuar”, tha Sun më pas.
