Kumanovë, 6 tetor – Instituti për Mjekësi të Transfuzionit në Kumanovë për vite me rradhë po kryen shërbimet shëndetësore pa pengesa apo probleme të theksuara. Në kushte të mira dhe sipas standarteve që e kërkon koha, pothuajse 200 mijë banorë të rajonit të Kumanovës, Kriva Pallankës, Kratovës, Likovës e Nagoriçit të Vjetër, çdo ditë po marrin shërbimet e nevojshme.
“Kushtet për punë janë të mira, ky objekt këtu që po e shihni është objekt i ri i ndërtuar para disa viteve apo para 6 viteve nëse nuk gabohem, kurse nga aspekti kadrovik mund të themi se kemi mungesë” – deklaroi Dr. Specialist Driton Bilalli nga Instituti për mjekësi të Transfuzionit në Kumanovë.
Por, përpos kushteve të mira për punë, sigurisht se duhet edhe resurse njerzore, apo personel, gjë që po i mungon këtij instituti, i cili për 200 mijë banorë ka në shërbim 1 Doktor Specialist, 1 Mjek në Specializim, 2 Biokimista, 8 Laborant me vendim pune, 1 Laborant me kontratë si dhe 1 Pastruese.
“Unë jam i vetmi transfuziolog që i mbuloj komunat e rajonit të Kumanovës, kemi një mjeke në specializim, por e vërteta është se kemi nevojë edhe për më tepër mjekë, kurse numri i laborantëve është akoma më deficitar se sa realisht kemi nevojë si shërbim, Kemi nevojë për punsime të reja, ka mungesë kadrovike gjë që duhet dhe besoj se do të rregullohet” – deklaroi Dr. Specialist Driton Bilalli nga Instituti për mjekësi të Transfuzionit në Kumanovë.
Nga këtu na informojnë se Instituti për Mjekësi të Transfuzionit në Kumanovë ka më së paku nevojë edhe për 1 Mjek, 4-5 Laborant, 1 Administratore dhe 1 Pastruese. Ndonëse disa here kanë dërguar kërkesa deri tek ministritë pëkatëse për punsimin e këtyre kuadrove, ato asnjëherë nuk kanë marrë ndonjë përgjigje, por kërkesa u ka hasur në vesh të shurdhër.
