Kompania Humane shpalli AI Pin e saj si një produkt revolucionar. Së shpejti, ajo do të bëhet vetëm një copë plastike e shtrenjtë.
Startup-i po ndërpret shërbimet në lidhje me AI Pin dhe nuk ka kaluar as një vit që kur ky produkt ka dalë në treg.
Në faqen e kompanisë Humane është bërë e ditur se brenda 10 ditëve do të ndalojnë së punuari të gjitha AI Pin, si dhe se më 28 shkurt do të ndërpritet lidhja me serverët.
Të gjitha të dhënat e klientit gjithashtu do të fshihen përgjithmonë, dhe përdoruesit do të udhëzohen të shkarkojnë gjithçka që nuk duan të humbasin paraprakisht.
“Ne po ju shkruajmë për t’ju informuar se, në fuqi menjëherë, ne po ndërpresim AI Pin pasi prioritetet tona të biznesit kanë ndryshuar. Angazhimi juaj ka kuptim shumë për ne dhe ne vlerësojmë thellësisht rolin që keni luajtur në rrugëtimin tonë të inovacionit”, thuhet në deklaratë.
Teknikisht, AI Pin nuk do të jetë plotësisht i padobishëm, do të mund të shihni informacione jashtë linje, si sa bateri i ka mbetur.
“Ne e kuptojmë se ky mund të jetë një ndryshim i papritur dhe ne jemi këtu për t’ju mbështetur”, thotë postimi, por është vetëm i përkohshëm sepse mbështetja e klientit për këtë pajisje përfundon në ditën e fundit të shkurtit.
Humane thotë se AI Pin të dërguara përpara datës 15 nëntor 2024 kanë të drejtë për rimbursim, ashtu si ato të blera, por që nuk janë dërguar ende.
Ata që blenë një AI Pin më herët, për fat të keq nuk kanë shumë mundësi, pasi Humane i këshillon që t’i hedhin pajisjet e tyre përmes programit të riciklimit të mbetjeve elektronike.
