Në kuadër të “Javës kundër diskriminimit”, Komisioneri për Mbrojtjen nga Diskriminimi, Robert Gajda po zhvillon takime informuese me qytetarët dhe shoqërinë civile në Maliq.
Në këto takime, të pranishëm ishin edhe kryetari i bashkisë Maliq, Gëzim Topçiu, përfaqësuesja e zyrës së Këshillit të Evropës në Tiranë, Iva Çoku dhe përfaqësuesja e Avokatit të Popullit, Burbuqe Ngracanj.
Sipas Gajdas, gjatë ndërgjegjësimit të komunitetit u diskutuan edhe aspekte të ndryshme që kanë të bëjnë me të drejtat dhe liritë themelore të njeriut si dhe rolin e rëndësishëm të Komisionerit në sigurimin e mbrojtjes së këtyre të drejtave.
Në një postim në rrjetet sociale të Komisionierit për Mbrojtjen nga Diskrimini cilësohet që ky aktivitet zhvillohet në bashkëpunim me projektin e përbashkët të Bashkimin Evropian dhe Këshillin e Evropës “Fuqizimi i mbrojtjes nga Diskriminimi në Shqipëri” me mbështetjen e programit të Instrumentit Horizontal III i cili mbështet organizimin në Shqipëri të “Javës Kundër Diskriminimit 2025”, synimi i të cilës është të rrisë ndërgjegjësimin të forcojë bashkëpunimin e aktorëve të ndryshëm në mbrojtjen e të drejtave të njeriut.
