Aktores legjendare, Jennifer Aniston pothuajse iu refuzua hyrja në Emmy Awards 2024 për shkak të një problemi me biletën, pavarësisht se ishte në mesin e yjeve që ishte e nominuar.
Aktorja 55-vjeçare amerikane, e cila famën ndërkombëtare e fitoi për rolin e Rachel Greene në serialin “Friends” nga viti 1994 deri në vitin 2004, ishte e nominuar për kategorinë Outstanding Lead Actress në serialin dramë për punën e saj në “The Morning Show”, shkruan The Mirror.
Por, kur mbërriti në Teatrin Peacock në qendër të Los Angeles, biletat e saj nuk skanoheshin nga sigurimi për rreth dy minuta.
Siç raportohet, një person më pas kishte ndërhyrë pas këtij problemi duke diskutuar me sigurimin.
“Pse nuk po e lini të hyjë? E dini kush është kjo!”, i tha ai sigurimit.
Ndonëse Jennifer Aniston nuk e fitoi çmimin e saj, seria “The Morning Show” fitoi tre çmime Emmy.
