Shkup, 7 mars – Sektori i Punëve të Brendshme Strumicë, në Prokurorinë Themelore Publike Strumicë, ka dorëzuar kallëzim penal kundër T.M.(58) nga fshati Dërvosh, komuna e Bosillovës, për shkak të ekzistimit të shkaqeve të dyshimit për kryerjen e veprave penale “keqpërdorim i detyrës zyrtare dhe autorizimit zyrtar”, “falsifikim i dokumentit zyrtar” dhe “mashtrim në shërbim”.
MPB njofton se më datën 03.03.2024, në vendin e quajtur “Borovite”, në fshatin Koleshino- Strumicë, nëpunësit policorë nga SPB Strumicë kanë gjetur dy automjete transporti “Zastava” me targa të regjistrimit të Strumicës, në të cilët janë transportuar dru për ngrohje. Është kryer kontroll dhe në koordinim me Policinë e Pyjeve në Strumicës është konstatuar se drutë janë të pashënuara dhe pa dokumentacion të rregullt dhe të njëjtat së bashku me automjetet janë sekuestruar.
Në një bisedë zyrtare në stacion policor, personat që drejtonin automjetet kanë deklaruar se drutë e ngrohjes i kanë mbledhur me dijeninë dhe miratimin gojor të T.M., i punësuar si zyrtar për dorëzim dhe prerje në Ndërmarrjen Publike “Pyjet Nacionale” – dega “Bellasica” në Strumicë, për të cilën është dashur t’i japin kompensim në të holla prej 12.000 denarëve për çdo automjet transporti të ngarkuar.
Gjithashtu me datë 03.03.2024, parashtruesi i kërkesës në emër të një zyrtari tjetër të punësuar në ndërmarrjen publike ka plotësuar lejen për prerje dhe dorëzim të druve të ngrohjes për dy persona nga Strumica. Për këto dërgesa me dru, pas shitjes, dy personat është dashur t’i japin T.M. 12.000.000 denarë për çdo automjet transporti të ngarkuar. Gjatë kontrollit në oborret e banorëve në fshatin Kuklish dhe në fshatin Bansko janë gjetur dru për ngrohje, pjesa më e madhe e të cilave pa markë shënuese. Drutë dhe automjetet me të cilin është kryer transporti janë sekuestruar.
Me veprime të tilla i pandehuri i ka shkaktuar dëm Ndërmarrjes Publike “Pyjet Nacionale” – dega “Bellasicë” në Strumicë në shumë prej 186.200 denarë. Ai është privuar nga liria dhe është sjellë para gjykatësit në procedurë paraprake nga Gjykata Themelore e Strumicës.
