Shkup, 27 janar – Kryetari i Lëvizjes BESA dhe i komunës së Tetovës, Bilall Kasami në “Real Story“ në televizionin ABC, ka thënë se ka dallim kur BDI ishte në koalicion me VMRO-DPMNE-në e Gruevskit dhe tani, kur në Qeveri është VLEN.
“Ka një ndryshim rrënjësor. Nikolla Gruevski lançoi projektin “Shkupi 2014”, përmes të cilit në opinion Gruevski dhe bashkëpunëtorët e tij rindërtonin historinë e re të maqedonasve, për mes të cilit në prapavijë pasuroheshin pushtetarët e asaj kohe.
Por ky projekt flitet se kushtoi nga 500 deri në 1 miliardë euro. Ndërsa sot, ka përsëri një projekt rreth një miliardë euro, siç është kredia hungareze, ku 500 milion euro do u ndahen komunave. Dhe edhe komunës së Tetovës do i ndahen katër milion euro.
Derisa Gruevski bëri larje parashë përmes Shkupit 2014, Mickoski sjell 1 miliardë euro, të cilat 500 milion do të investohen në komuna, dhe 500 milion euro për kredi për bizneset”, ka theksuar mes tjerash.
