Shkup, 12 gusht – Kryetari i Lëvizjes BESA dhe njëri nga krerët e koalicionit VLEN, Bilall Kasami, në 24 vjetorin e Masakrës së Lubotenit, ka shkruar se kjo masakër nuk do të harrohet dhe se nuk do të përsëritet.
“Sot, së bashku me familjarët dhe ish-ushtarët e UÇK-së përkujtuar të vrarët në Masakrën e Lubetenit.
24 vite më parë, më 12 gusht të vitit 2001, në aksion të paarsyeshëm të forcave të armatosura të atij pushteti, në mënyrë të pafajshme u vranë 10 banorë në Lubeten të Shkupit, ndër të cilët edhe një fëmijë gjashtë vjeçar, ndërsa mbetën të plagosur e lënduar mbi 100 banorë, me akuza për mbrojtjen e ushtarëve të UÇK-së!
Për 24 vite, Lubeteni, familjet e të vrarëve dhe të gjithë banorët, nga pushtetet e kaluara janë mbajtur vetëm me trillime dhe janë lënë në harresë, ndërsa dora e zezë është shpërblyer në forma të ndryshme!
Por kjo masakër kurrë nuk do të harrohet e nuk do të përsëritet.
Qoftë i përjetshëm kujtimi për të vrarët e pafajshëm!”, ka shkruar Kasami, i cili së bashku me liderët tjetër e koalicionit VLEN kanë bërë homazhe tek varrezat e dëshmorëve në Luboten.
