Kendrick Lamar ka qenë i përzgjedhuri i “Super Bowl 2025” duke dhuruar kështu një performancë të shkëlqyer përpara një turme të madhe.
Në mesin e shumë këngëve, ai interpretoi edhe “Not Like Us” që është një diss për Drake.
Ky moment mori vëmendje të madhe dhe u komentua tejet shumë në rrjet nga përdoruesit e platformave të ndryshme.
“Hej, Drake, dëgjova që të pëlqejnë të rejat/Më mirë mos shkel kurrë në bllokun e parë të burgut”, ka qenë pjesa që bëri që të gjithë t’i kthejnë sytë nga Kendrick.
Në këto vargje, Kendrick Lamar duket se po nënkupton se Drake ka një prirje për vajza të reja, duke e paralajmëruar për pasojat që mund të ketë, veçanërisht në kontekstin e burgut (“cell block one”).
Sakaq, në mes të kësaj doli në skenë për të kërcyer edhe ylli i tenisit, Serena Williams.
Kjo shkaktoi edhe më shumë reagime pasi ajo thuhet se ka qenë në një lidhje me Drake në të kaluarën.
Ajo gjegjësisht u përfol se ishte në lidhje me Drake në fillim të viteve 2010.
Williams më parë kërceu me këtë projekt të Lamar “Not Like Us” gjatë paraqitjes së saj në ESPYs 2024.
Ajo u tall me Drake gjatë asaj paraqitjeje ndërsa kënga po interpretohej në sfond.
