Shkup, 3 shkurt – Punëdhënësit, sindikatat dhe Qeveria sot duhet të ulen në tryezë të përbashkët për të diskutuar për rritjen e pagës minimale e cila aktualisht është 22.567 denarë. Sipas paralajmërimeve, sot duhet të mbahet seancë e Këshillit Ekonomiko-Social, në të cilën do të shqyrtohen mundësitë për rritjen e saj që është bërë si kërkesë nga sindikatat sipas të cilës ka realisht nevojë për diçka si kjo.
Sindikatat kërkojnë që paga minimale të rritet në 450 euro, ndërsa një pjesë e sektorit të biznesit kanë deklaruar se do ta pranojnë një propozim të tillë, por të ulen kontributet. Nga Qeveria thotë se do t’i lërë që të dakordohen sindikatat dhe punëdhënësit.
Të njëjtin qëndrim e ka shprehur edhe kryeministri Hristijan Mickoski në seancën e fundit për pyetje deputetësh.
Në përputhje me ligjin, në muajin mars duhet të ketë rregullim të pagës minimale e cila sipas përllogaritjeve, duhet të rritet për 1.800 denarë, që sipas sindikatave është pak në krahasim me shpenzimet e jetesës.
Llogaritjet që bëhen nga Sindikata e Maqedonisë për shpenzimet minimale të një familje katër anëtarëshe tregojnë se ato në muajin janar kanë qenë 63.252 denarë që do të thotë se dy paga minimale nuk mjaftojnë për plotësimin e nevojave elementare. Për vetëm një vit, vlera e shportës minimale sindikaliste u rrit për 6.089 denarë që do të nënkupton pra rritje prej 10.63 për qind.
Sipas LSM-së, pagat duhet të rriten për të paktën 20 për qind. Theksojnë se kërkesa e tyre për rritje të pagave dhe të pagës minimale është më se e arsyeshme.
Për sot, siç paralajmëroi kryeministri Mickoski, do të prezantohen, siç theksoi ai, çmimet reale të produkteve nga shporta e konsumatorit, sepse sipas tij, po manipulohet me përllogaritjen e shportës. Në seancën e fundit parlamentare për pyetje deputetësh, Mickoski tha se shuma për ushqim dhe pije është 3.000 denarë më pak se ajo në shportën e sindikatës dhe se këtë do ta prezantojë në seancën e KES-it me fotografi.
Nga Oda Ekonomike e Maqedonisë Veriperëndimore deklaruan se paga minimale duhet të rritet në 500 euro, ndërsa kontributet të ulen nga 47,7 në 32 për qind.
Një propozim i tillë është i papranueshëm për ministren e Financave, sepse kemi një nga taksat më të ulëta.
