Shkup, 29 janar – Këshilli gjyqësor i Republikës së Maqedonisë së Veriut sot në seancën e 513-të ka debatuar dhe ka marrë vendim rreth parashtresave dhe vërejtjeve që i kanë dërguar tek ata, qytetarët dhe personat juridikë, kryetarët e gjykave dhe gjykatat.
Në rend dite të seancës ka qenë Plani vjetor për furnizime publike për vitin 2025, për të cilin në mënyrë plotësuese do të votohet pasi që një pjesë e anëtarëve kanë vërejtje për fondet shtesë për funksionimin e Këshillit gjyqësor dhe kërkuan tërheqje të Planit që të veprojnë, nëse kjo është e mundur, më shumë mjete.
Sipas Selim Ademit, në Planin vjetor për furnizime publike për vitin 2025 nuk janë parashikuar para për konferenca rajonale dhe ndërkombëtare dhe siç tha, i vjen keq që nuk ka fonde edhe për hulumtim për gjendjen me gjyqësorin.
“Nuk ka as grafë për përkthim, nuk vendoset sistem dhe nuk e shfrytëzojmë të drejtën që na jep Ligji për përdorimin e gjuhëve”, shtoi Ademi.
Vesna Dameva tha se edhe pse e thekson transparencën, në Plan nuk është parashikuar vlerë për angazhim të PR-agjencive ose për shërbime tjera kontraktuese në përputhje me strategjinë komunikuese që e ka miratuar Këshilli gjyëqor.
Gjykatësja Tanja Çaçarova-Ilievka është pajtuar me propozimin që të tërhiqet Plani, duke shtuar se duhet të mbahen llogari edhe për kushtet hapësinore në ndërtesën dhe nevojë që të revovohen disa pjesë të saj që nuk funksionojnë, si për shembull tualetet që janë, siç tha, “në gjendje të tmerrshme”.
Anëtarët e Këshillit gjyqësor kanë vërtetuar ndërperje të funksionit gjyqësor të Riste Ristovskit, gjykatës nga Gjykata e Apelit nga Manastiri, për shkak të plotësimit të kushteve për pension të moshës.
Gjithashtu, ata e kanë respektuar kërkesën për kompensim për jetë të ndarë të parashtruar nga gjykatësja Danka Ristova nga Radovishi, e cila muajin e kaluar u zgjodh anëtare e Këshillit gjyqësor. Nga 12 dhjetori i vitit 2024 ajo ka të drejtë kompensimi të shpenzimeve mbi këtë bazë, në vlerë mujore prej 30 për qind të pagës mesatare në vend.
