Pas përfundimit të procesit të zgjedhjeve parlamentare që u zhvilluan dje në Republikën e Kosovës, Komisioni Qendror i Zgjedhjeve ka vazhduar me numërimin e votave.
Në Komunën e Gjakovës deri më tani janë numëruar 93.10% e votave, ku me 47.15% prin Lëvizja Vetëvendosje, e ndjekur nga AAK-NISMA me 19.70%, LDK me 16.68% dhe PDK me 10.23%.
Në Komunën e Rahovecit janë numëruar deri më tani 93.67% e votave, ku LVV ka marrë 39.12%, PDK ka marrë 20.65%, AAK ka marrë 17.28%, ndërsa LDK ka marrë 14.56%.
Në komunën e Malishevës janë numëruar 100% e votave, ku nga numërimi i këtyre votave AAK-NISMA ka marrë 37.75%, LVV ka marrë 26.30%, PDK ka marrë 21.15%, ndërsa LDK ka marrë 12.51%.
Në Komunën e Junikut janë numëruar 100% e votave, ku AAK ka marrë 37.27%, LDK ka marrë 28.96%, LVV ka marrë 24.03%, ndërsa PDK ka marrë 8.08%.
Ndërsa sa i përket numërimit të votave në nivel vendi, deri më tani në vend janë numëruar 89.97% e votave, ku me 41.05% prin LVV, e pasuar nga PDK me 22.26%, LDK me 17.60%, ndërsa AAK-NISMA me 7.57%.
