Tiranë, 31 korrik Zhurnal.mk – Deputetja tashmë e pavarur Marjana Koçeku ka reaguar ndaj deklaratave të deputetit socialist Erion Braçe. Ky i fundit kishte ngritur më herët pyetje nëse “Neomalsore Agroturizëm”, i lidhur me Koçekun, dispononte certifikatë pronësie për tokën ku ushtron aktivitetin.
Përmes një postimi në rrjetet sociale, Koçeku deklaroi se familja e saj prej tre brezash jeton në atë zonë pa dokumente pronësie. Me iron, ajo ngre pyetjen “A u ka munguar vullneti prindërve të mi dhe banorëve të atyre zonave, apo i ka munguar vullneti shtetit?”
Postimi i Koçekut
Jo, zoti Braçe, nuk i kam letrat. Nëna ime ka ardhur vajzë aty, është bërë nënë dhe është bërë gjyshe. Ka tre breza aty dhe zero dokumente. Që nga Ramiz Alia, te Shaban Tapia e sot te Erjon Llafia.
Pra, më thuaj ti mua: a u ka munguar vullneti prindërve të mi dhe banorëve të atyre zonave, apo i ka munguar vullneti shtetit? Ma shpjego ti mua, që e ke në legjislaturë pothuajse aq sa unë kam vite jetë.
Çfarë ka thënë Braçe?
Deputeti socialist, Erion Braçe gjatë një deklarate televizive, pyeti moderatoren se përse nuk i kishte kërkuar Marjana Koçekut të sqaronte nëse kulla në malin pranë liqenit të Komanit ishte me leje.
