Shkup, 3 shtator- Prokurori publik i RMV-së, Ljupço Kocevski dhe prokurori themelor publik i Prokurorisë themelore publike për ndjekje të krimit të organizuar dhe korrupsionit, Islam Abazi marrin pjesë në konferencën rajonale të prokurorëve publik në bashkëpunimin e lëndëve për krime ushtarake që po mbahet më Brione, Republika e Kroacisë.
Forumin e organizuar nga Programi për zhvillim të Kombeve të Bashkuara (UNDP), me mbështetje nga BE-ja dhe Qeveria e Mbretërisë së Bashkuar, e hapën Prokurori i përgjithshëm shtetëror kroat, Ivan Turudiq, ministri i Drejtësisë, Administratës dhe Transformimit Digjital, Damir Habijan, si dhe Prkurori kryesor i Mekanizmit ndërkombëtar rezidual për tribunale penale, Serzh Bramerc.
Diskutimi, siç informojnë nga PPRMV, është fokusuar në mekanizmat për përforcim të bashkëpunimit rajonal, njohjen reciproke të dëshmive dhe mbështetjen e viktimave dhe dëshmitarëve.
Në Republikën e Maqedonisë së Veriut nuk ka procedura aktive për krime të luftës, por prokuroria e Maqedonisë së Veriut është e përkushtuar në përforcimin e kanaleve për bashkëpunim ndërkombëtar të cilat duhet të garantojnë se asnjë krim kudo qoftë në botë nuk do të mbetet i pandëshkuar, theksoi prokurori publik Kocevski para pjesëmarrësve në forum.
“Krimet e luftës janë format më të rënda të shkeljes së të drejtave të njeriut dhe të drejtës humanitare. Ato janë të sanksionuara edhe në Kodin penal të Maqedonisë së Veriut. Ndjekja efikase penale e krimeve të luftës është hapi i parë drejt pajtimit dhe paqes së përhershme, tha Kocevski”, thuhet në kumtesën nga PPRMV.
