Ministrja e Shëndetësisë dhe Mbrojtjes Sociale, Albana Koçiu zhvilloi një takim me prof. Rob Pieters, president i SIOP dhe drejtorin Ekzekutiv të Qendrës Onkologjike Pediatrike Princess Máxima, një nga spitalet më të mira në Holandë për shërbimin onkopediatrik.
Në një postim në rrjetet sociale, Koçiu tha se “bashkëpunimi midis QSUT-së dhe Princess Máxima Center është një hap i rëndësishëm për forcimin e shërbimit të onkologjisë pediatrike në vendin tonë”.
Koçiu theksoi se “ky partneritet do të mundësojë jo vetëm rritjen e kapaciteteve për stafet tona shëndetësore, por edhe shkëmbimin e eksperiencave, protokollet e trajtimit dhe mbështetjen për fëmijët që kanë nevojë për kujdes të specializuar”.
Ministrja Koçiu u shpreh se “shëndeti i fëmijëve është prioriteti ynë”.
