Shkup, 23 korrik – Komisioni për Arsim, Shkencë dhe Sport sot e mbajti seancën e 16-të në të cilën u miratua Propozim ligji për veprimtarinë inovative, zhvillimin shkencor-teknologjik dhe sipërmarrjen, pas një procedure të shkurtuar dhe është lëshuar për procedurë të mëtejshme në Kuvend.
Me propozim- ligjin për veprimtarinë inovative, zhvillimin shkencor-teknologjik dhe sipërmarrjen rregullohet veprimtaria inovative, parimet, qëllimet dhe organizimi i zbatimit të rezultateve nga kjo veprimtari dhe nga veprimtaria kërkimore-shkencore, njohuritë teknike dhe teknologjike, zbulimet dhe inovacionet, procedurat për dhënien e mbështetjes shtetërore, masat dhe aktivitetet për nxitjen e veprimtarisë inovative, zhvillimit shkencor-teknologjik dhe sipërmarrjes, si dhe konkurrencës së ndërmarrjeve mikro, të vogla dhe të mesme në vend, themelimin, statutet, organizimin dhe funksionimin e Agjencisë për inovacion, zhvillim shkencor-teknologjik dhe sipërmarrje, si dhe çështje të tjera që lidhen me veprimtarinë inovative, zhvillimin shkencor-teknologjik dhe sipërmarrjen.
Në të njëjtën kohë, korniza e re ligjore zgjeron veprimtarinë me rregullimin e zhvillimit shkencor-teknologjik dhe të sipërmarrjes.
Ligji i ri parashikon shfuqizimin e Agjencisë për mbështetjen e sipërmarrjes (AMPRM) dhe të Fondit për inovacion dhe zhvillim shkencor-teknologjik, dhe krijimin e një institucioni të ri — Agjencinë për inovacion, zhvillim shkencor-teknologjik dhe sipërmarrje.
Formimi i institucionit të re është i nevojshëm për shkak të kapaciteteve të pamjaftueshme të dy institucioneve ekzistuese për mbështetjen e inovacioneve dhe sipërmarrjes: AMPRM dhe Fondi për inovacion dhe zhvillim shkencor-teknologjik. Formimi i një institucioni të ri i cili do të jetë i fuqizuar me staf të ri dhe burime financiare, do të mundësojë një mbështetje më të madhe për inovacionet dhe zhvillimin shkencor-teknologjik në vend.
