Kryeministri i Kosovës, Albin Kurti, ka marrë pjesë në tryezën e rrumbullakët me partnerë, donatorët ndërkombëtarë për fuqizimin ekonomik të grave të komuniteteve jo shumicë, raporton Ekonomia Online.
Kurti ka thënë se në Kosovë 88 për qind të femrave ndërmarrëse kanë hapur bizneset në mnëyrë vetë financiare pa ndonjë hua apo mbështetje të jashtme.
“Këtu jemi për të biseduar së bashku për sfidat dhe fuqizimin urgjent ekonomik të femrave nga komunitete jo shumicë në vendin tonë. Niveli i pronës është i njëjtë në të gjitha grupet në Kosovë, janë përgjithësisht më të ulëta dhe familje me statuse më të ulëtat socio ekonomike, gjithsesi në Kosovë 88 për qind të femrave ndërmarrëse kanë hapur bizneset vetëfinanciare pa ndonjë hua apo mbështetje të jashtme. Përkujdesja e femrave dhe përgjegjësit janë më të mëdha se sa burrat, 6,2 orë kalojnë femrat në përkujdese pa pagesë”, tha Kurti.
Kryeministri tha se për të adresuar çështjen e mungesës së kapitalit të femrave në mënyrë të suksesshme është centralizuar regjistrimi i pronës në emër të të dyve, burrit dhe gruas.
“Femrat nga secili komunitet në Kosovë punojnë jashtë shtëpive, ka më shumë gjasë që të punojnë në mënyrë jo formale, pa siguri apo status apo fuqi që i jepte nga kontrata apo kontributet e pensioneve, pagës të pushimit mjekësor dhe punët e femrave që mbahen në Kosovë ka një rrugë shumë të gjatë, por situata është duke u përmirësuar. Për të adresuar çështje e mungesë së kapitalit të femrave në mënyrë të suksesshme e kemi centralizuar regjistrimin e pronës në emër të të dyve, burrit dhe gruas dhe kemi dedikuar 11 milion euro nga viti 2021 për të mbështetur femrat ndërrmarrëse për të hapur bizneset e tyre”, tha Kurti
Ministri për Komunitete dhe Kthim, Nenad Rashiq, tha se programet dhe subvencionet ndahen me qëllim që të përmirësohen ushtet me fokus fuqizimin e fermave dhe fuqizimin socio-ekonomik të komuniteteve.
“Është një rrugë e gjatë dhe e kemi në mendje traditën që rrethanat nuk janë të favorshme ndaj femrave, por ne dëshirojmë që në mënyrë praktike të ngrisim kapacitet e femrave dhe t’i ngrisim në sektor të ndryshme. Gjitha këto programe dhe subvencione janë me qëllim që të përmirësojmë kushtet me fokus fuqizimin e fermave dhe fuqizimin socio-ekonomik të komuniteteve. Ne kemi ngritur mjete e kapacitete në ministri duke hapur programin e ri, ku kanë qenë 3 milion euro. Tani kemi hapur një thirrje të re. Kemi pasur thirrje për bujqësi, nga 58 përfitues 12 kanë qenë femra. Thirrjet për biznes për femra janë një interes i rritur, nga 59, 15 janë femra që janë në programet tona. Subvencionet individuale 40 përfituese janë femra”, tha Rashiq.
