Shkup, 10 korrik – Kuvendi në mbledhjen e sotme të 59-të solli vendim për shpallje të konkursit për zgjedhje të Avokatit të popullit.
Në mbledhje u pranua propozimi për zgjedhje të anëtarit të Komitetit për marrëdhënie mes bashkësive, nga radha e Komunitetit rom, ndërkaq u miratuan edhe ligjet për të punësuarit në sektorin publik, nëpunësit administrativë dhe për përsosje dhe trajnim profesional të nëpunësve administrativë.
U praniuan dhe u dërguan për lexim të dytë të mëtutjeshëm propozim-ligjet për ndryshim dhe plotësim të ligjeve për veprimtarinë turistike, për mbrojtje të trashëgimisë kulturore dhe për bibliotekat, si dhe ndryhsimet e Ligjit për çmimet shtetërore. Deputetët nuk e prnauan propozim ligjin për plotësim të Kodit penal.
Kuvendi i miratoi raportet për realizim të Programit vjetor për punë dhe zhvillim të Agjencissë për aviacion civil, raportert vjetore për punën e Agjencisë për supervizion të sigurimeve dhe të Agjencisë për supervizion të sigurimeve për gjendjen dhe lëvizjet e tregut të sigurimeve, të gjithë për vitin 2024.
Mbledhja duhet të vazhdojë në orën 13:50.
Në rend dite mbetën propozim ligjet për ndryshim dhe plotësim të Ligjit për automjete dhe të Ligjit për sigurim shëndetësor, të dy në procedurë të shkurtuar.
Deputetët në kuadër të mbledhjes së 59-të duhet t’i sshqyrtojnë edhe propozim ligjet për ndryshim dhe plotësim të Ligjit për themelim të Ndërmarrjes publike Radiodifuzioni i Maqedonisë, propozim ligjin për ndryshim të Ligjit për veprimtari shkencoro-hulumtuese, propozim ligjin për ndryshim dhe plotësim të Ligjit për shërbime pagesore dhe sistem pagesot dhe propozim ligjin për ndryshim të Ligjit për aviacion, të gjithë në procedurë të shkurtuar.
