Drejtuesi i Strukturës së Posaçme Kundër Korrupsionit dhe Krimit të Organizuar – SPAK, Altin Dumani ndodhet në Holandë ku po merr pjesë në një konferencë të rëndësishme.
Në konferencën që zhvillohet nga data 25 deri më 28 mars, marrin pjesë prokuroritë kryesore nga Evropa, Amerika Latine dhe Afrika Perëndimore, së bashku me aktorë të tjerë.
Dumani pati një takim edhe me John Lucas, Kryeprokurori i Zyrës së Prokurorit Kombëtar të Mbretërisë së Holandës.
Prokuroria holandeze bën të ditur se është krenare që ka mirëpritur në këtë aktivitet të veçantë në emër të Shqipërisë, Altin Dumani, drejtues i Strukturës së Posaçme Kundër Korrupsionit dhe Krimit të Organizuar – SPAK.
Ambasada e Holandës në Tiranë bëri të ditur sot aktiviteti u hap nga ministri i Sigurisë dhe Drejtësisë i Holandës, David van Weel.
Konferenca synon të forcojë dhe koordinojë përpjekjet e përbashkëta në luftën kundër krimit të organizuar serioz dhe të ndajë perspektivat e përbashkëta.
“Trafiku i organizuar i drogës dhe pastrimi i paligjshëm i parave nuk ndalen në kufij, dhe as qasja e Holandës për të luftuar këto çështje”, thekson ambasada holandeze.
