Ish-reprezentuesi i Anglisë, Shaun Wright-Phillips ka zbuluar sesi ish-klubi i tij, kampioni aktual i Ligës Premier, Manchester City, u shpëtua nga falimentimi falë shitjes së tij.
Manchester City, me pronarët e tij të pasur nga Emiratet e Bashkuara Arabe, është bërë forca më dominuese në futbollin anglez, duke fituar shtatë nga tetë titujt e fundit të Ligës Premier.
Megjithatë, për tifozët e këtij klubi mund të kishte qenë shumë më keq nëse nuk do të kishte ndodhur shitja e Shaun Wright-Phillips, të paktën nëse besohet deklarata e tij e fundit.
City nuk ka qenë gjithmonë i pasur. Tre vjet përpara se të merrej nga Abu Dhabi United Group, klubi nga Mançesteri ishte një kompani e tregtuar publikisht e listuar në tregun e pavarur të aksioneve.
“Atë verë kur u largova, dëgjova se Arsenali ishte i interesuar për mua. Kishte disa kontakte mes klubeve dhe u thashë se nuk doja – isha fëmijë. Nuk ishte për të luajtur për një klub më të madh, isha i lumtur në Manchester City”, shpjegoi Wright-Phillips në një intervistë me Ladbrokes.
Në vend të Arsenalit, Chelsea erdhi dhe e bleu atë për 32 milionë euro në atë kohë. Me ato para, klubi u shpëtua nga falimentimi.
“I thashë menaxherit se nuk doja të largohesha nga City, por më pas ai më tha se nuk kishim zgjedhje. Ai nuk më shpjegoi detajet”, shtoi ish-reprezentuesi anglez.
Në fund e mori vesh pse e shitën. Chelsea ishte më specifik dhe ofroi më shumë para.
“Pastaj Chelsea sapo doli me një ofertë, Manchester City e pranoi dhe unë duhej të largohesha. Vetëm disa muaj më vonë mora vesh se klubi do të mbyllej nëse nuk do të më shiste. Falë asaj tarife mbijetoi dhe kjo ishte arsyeja pse u largova”, përfundoi anglezi.
Wright-Phillips nuk luajti mirë te Chelsea, kështu që pas vetëm katër golave në tre sezone u rikthye te Manchester City. Ai ka luajtur edhe për QPR-në.
Ai luajti 36 ndeshje për kombëtaren e Anglisë dhe shënoi gjashtë gola dhe e mbylli karrierën e tij në vitin 2017 me amerikanin Phoenix Rising.
