Drejtuesi i Qendrës së Bashkëpunimit Ndërfetar në Elbasan, Arben Ramkaj ka reaguar në lidhje me celebrimin e martesë së dy vajzave Alba Ahmetaj dhe Edlira Mara në tarracën e Bashkisë së Tiranës.
Ramkaj e cilësoi këtë martesë të paligjshme dhe informale.
Ai deklaro për Euronews Albania se martesa e dy vajzave thyen kodin e familjes, ndërsa theksoi se kryebashkiaku Erion Veliaj ka kosto me vendimin për celebrimin në tarracën e bashkisë.
“Kjo është një martesë informale, anti-ligjore, e paparashikuar nga ligji dhe kodi i familjes. Problemi është se kjo është bërë në një zyrë publike të shtetit shqiptar nga një bashki e cila ka një këshill bashkiak, ka autoritete, ka qytetarë që e kanë votuar. Kanë marrë një mal me vota nga konservatorët dhe tradicionalët. Kryetari i bashkisë mori këtë vendim që do i kthehet në kosto politike”, theksoi Ramkaj.
