Shkup, 11 mars – Matje falas e presionit të syve në qendër të Shkupit sot pasdite realizohet me rastin e Ditës botërore të glaukomës. Oftalmologë profesionistë dhe infermierë të trajnuar matin presionin e syve të njerëzve të të gjitha moshave, me qëllim rritjen e ndërgjegjësimit për zbulimin në kohë të glaukomës.
Siç është theksuar, bëhet fjalë për sëmundje të rëndë oftalmike dhe nëse nuk trajtohet, mund të çojë në verbëri dhe shkaku më i shpeshtë është rritja e presionit të syve. Veçanërisht duhet pasur parasysh se glaukoma në fillim nuk shfaq shenja dhe simptoma, pikërisht për këtë arsye mënyra më e mirë për të zbuluar këtë sëmundje është depistimi dhe parandalimi.
Një nga prioritetet e Ministrisë së Shëndetësisë është fuqizimi afatgjatë i fushave të specializuara, duke ofruar specializime të përshtatshme për institucionet shëndetësore publike.
Konkretisht për oftalmologjinë si specialitet sensitiv, me Programin e Ministrisë së specializimeve dhe subspecializimeve janë siguruar mbi 30 specializime në këtë fushë për disa institucione, ndërsa numri më i madh për Klinikën për sëmundje të syrit, Spitali i përgjithshëm i Strugës, Shtëpia e shëndetit Shkup, Spitali klinik i Manastirit dhe të tjerë.
Janë specializimet që realizohen në këtë katërvjeçar, nga viti 2023 – 2026. Kjo nënkupton forcimin afatgjatë të oftalmologjisë në më shumë institucione anembanë vendit, që nënkupton edhe afrimin e këtyre shërbimeve shëndetësore me vendbanimin e qytetarëve, u theksua në aktivitetin e sotëm.
Këto janë specializime që realizohen në këtë katërvjeçar, nga viti 2023 – 2026. Kjo nënkupton forcimin afatgjatë të oftalmologjisë në më shumë institucione në mbarë vendin, që nënkupton edhe afrimin e këtyre shërbimeve shëndetësore me vendbanimin e qytetarëve, u theksua në ngjarjen e sotme.
Ministri i Shëndetësisë, Ilir Demiri, në një deklaratë për mediat ka apeluar për rëndësinë e zbulimit në kohë të glaukomës përmes ekzaminimeve parandaluese. Ai shprehu mirënjohjen për mbështetjen ndaj Klinikës për sëmundje të syrit, si qendër referente për trajtimin e sëmundjeve dhe gjendjeve më të vështira dhe më të komplikuara të syrit.
Në pyetjen e MIA-s, asistent doktoresha Irina Bogdanova informoi se nga mëngjesi i sotëm janë kryer mbi 200 ekzaminime.
Ajo tha se për të janë përgatitur fletushka me informacione për sëmundjen, sa shpesh duhet të shkohet për ekzaminim, si të kryhet depistimi etj.
“Apelojmë për kontrolle të rregullta okulistike. Të paktën një herë në vit, ekzaminimet duhet të jenë rutinë. Njerëzit nuk duhet të vizitojnë okulist vetëm kur kanë nevojë, por duhet të kontrollohen në mënyrë rutinore një herë në vit. Ne do të luftojmë që matja e presionit të syve të futet në kontrolle sistematike. Ashtu siç matet presioni i gjakut çdo vit, duhet të matet edhe presioni i syve”, theksoi Bogdanova.
