Të martën në orën 8 në mbrëmje, do të transmetohet Mbrëmja Gala e Festës së Mesvjeshtës 2024 e Grupit Mediatik të Kinës (CMG).
Galaja do të ndahet në tre pjesë “Dalja e Hënës”, “Ndriçimi i Hënës” dhe “Drita e Hënës” të cilat do të pasqyrojnë kulturën tradicionale kineze nëpërmjet këngëve, valleve, operave dhe melodisë. Prezantuesit dhe aktorët e galasë do të vishen me kostume tradicionale kineze për të shfaqur kulturën dhe modën e veshjeve kineze. Ndërkohë, nëpërmjet teknologjive televizive si AI dhe të tjera, do të projektohen në skenë piktura, vazo porcelani të lashta kineze etj…
Këtë vit, Mbrëmja Gala e Festës së Mesvjeshtës së CMG-së do të shfaqet për herë të parë në qytetin Shenyang të provincës Liaoning. Shenyang ka një histori mbi 2300-vjeçare të ndërtimit të qytetit, ndaj në gala do të përfshihen edhe shumë faktorë artistikë të Kinës verilindore. Krahas këtyre, galaja do të ketë të pranishëm edhe artistë të huaj nga Franca, Hungaria, Kazakistani etj. Mbrëmja do të transmetohet edhe në mediat e huaja në ShBA, Evropë, Emiratet e Bashkuara Arabe, Kenia, Bangladesh, Sri Lankë etj.
