Shkup, 27 mars – Mëngjesin e sotëm më ftohtë është në Kodrën e Diellit me 2 gradë, ndërsa 13 gradë janë matur në Shtip dhe Demir Kapi. Deri në orën 08:30 janë matur 5 gradë në Hanet e Mavrovës dhe Llazaropole, 6 në Krushevë, 7 në Kriva Pallankë, 8 në Pretor dhe Berovë, 9 në Shkup-Zajçev Rid, Shkup-Petrovec, Tetovë, Kumanovë, Ohër, Prilep dhe Kavadar, 10 në Manastir, Vinicë, Veles dhe Strumicë si dhe 11 gradë në Gjevgjeli.
Në 24 orët e fundit kanë rënë 2 litra për metër katror në Tetovë, Pozharan, Hanet e Mavrovës dhe Kodrën e Diellit, si dhe një litër për njësi sipërfaqe në Llazaropole.
Moti sot do të jetë i ndryshueshëm me vranësira dhe i paqëndrueshëm me reshje të kohëpaskohshme të shiut. Proceset do të jenë më intensive në formë stuhie me më shumë reshje shiu, paraqitje të bubullimave dhe erës së përforcuar.
Temperaturat e ditës do të arrijnë nga 13 deri 20 gradë Celsius. Në Shkup, moti do të jetë i vranët me reshje të kohëpaskohshme të shiut. Në disa pjesë të luginave moti do të jetë i paqëndrueshëm me reshje të rrëmbyeshme të shiut, bubullima dhe erëra të forta. Temperatura minimale do të ulet deri 10 gradë, ndërsa ajo maksimale do të arrijë deri 18 gradë Celsius.
