Shkup, 12 mars – Më së shumti shi në 24 orët e fundit ka rënë në Radovish 37 litra në metër katror, 31 litra në Lazaropole, 26 në Berovë, 24 në Krushevë, ndërsa 22 litra në Shkup.
Gjatë natës moti ishte me vranësira me reshje të shiut, të cilat në disa vende ishin më të rrëmbyeshme dhe të ndjekura me bubullima. Frynte erë e lehtë deri në mesatare, ndërsa në disa vende në pjesët lindore erë e përforcuar e përkohshme nga drejtimi jugor, e cila në Vinicë arrinte shpejtësi deri në 75 kilometra/h. Në mëngjes është mot me vranësira të ndryshueshme me reshje të përkohshme të shiut, në pjesët lindore në rajonet malore të ndjekura me bubullima. Fryn erë e lehtë kryesisht nga drejtimi jugor.
DPHM për sot parashikon mot me vranësira të ndryshueshme me reshje të përkohshme shiu. Në disa vende do të jetë jostabil me shi të rrëmbyeshëm dhe bubullima, në disa vende në formë të motit të keq. Do të fryjë erë e lehtë deri në mesatare kryesisht nga drejtimi jugperëndimor, Temperatura maksimale do të jetë në interval prej 11 deri në 17 gradë.
Në Shkup mot me vranësira të ndryshueshme, pasdite dhe në orët e mbrëmjes me reshje të shiut. Në disa pjesë të luginave reshjet do të jenë më të rrëmbyeshme. Temperatura maksimale do të arrijë 15 gradë.
