Shkup, 31 mars – Në 24 orët e fundit më së shumti reshje ka pasur në Vinicë, 28 litra për metër katror, ndërsa më së paku në Veles, Demir Kapi, Gjevgjeli, Ohër, Mavrovë dhe Pozharanë, një litër për njësi të sipërfaqes.
Sipas DPHM-së, deri në ora 8 të mëngjesit janë matur 15 litra për metër katror në Prilep, 12 në Kriva Pallankë, 11 në Shtip, 6 në Krushevë, 5 në Berovo dhe Pozhar, 4 në Kodrën e Diellit, 3 në Strumicë dhe Topollçan, si dhe dy litra për katror në Shkup Petrovec, Kavadar Manastir, Tetovë dhe Lazaropole.
Moti sot do të jetë pjesërisht i vranët me reshje të kohëpaskohshme shiu. Në orët e pasdites dhe të mbrëmjes do të mbajë mot i paqëndrueshëm me reshje të rrëmbyeshme, bubullima dhe erë të fortë, lokalisht në formë stuhiw afatshkurtër me reshje të rrëmbyeshme më të bollshme (mbi 15 l/m2 për një kohë të shkurtër). Temperatura ditore do të lëvizë nga 11 deri në 17 gradë. Në Shkup me vranësira të pjesshme me reshje të kohëpaskohshme shiu. Do të fryjë erë e lehtë deri mesatare nga drejtimi verior. Temperatura maksimale do të arrijë deri në 15 gradë.
