Sarajevë, 3 qershor – Drejtori i Fondit të sigurimit pensional dhe invalidor të Maqedonisë së Veriut, Nikolla Memov, mori pjesë dhe mbajti fjalim në takimin e 15-të të drejtorëve të fondeve të sigurimit pensional dhe invalidor të shteteve në hapësirat e ish Jugosllavisë dhe Republikës së Austrisë që mbahet në Sarajevë.
Siç kumtojnë nga Fondi, temë qendrore e takimit është “E ardhmja e sistemeve të pensioneve – sfidat dhe perspektivat”.
Drejtori i Fondit, Memov në fjalimin e tij theksoi se sfida më e madhe është sigurimi i Fondi financiarisht stabil dhe të qëndrueshëm. Ai theksoi se kjo mund të arrihet duke futur masa që do të mundësojnë rritje të hyrjes së mjeteve në Fond.
“Për këtë qëllim nga Ministria e Politikës Sociale, Demografisë dhe Rinisë i kemi propozuar disa masa me të cilat besojmë se do të përmirësojnë gjendjen financiare të Fondit. Besoj se mënyra është rritja e shlyerjes, ndërsa jo njëkohësisht me rritjen e normës së kontributeve ose kufizimin e moshës së daljes në pension”, tha Memov.
Shtoi se është e nevojshme të rriten mundësitë për financimin e mjeteve nga shtylla e dytë dhe të ulen kufizimet të cilat aktualisht janë në fuqi, por edhe të shqyrtohet mundësia e investimit të mjeteve nga shtylla e parë për të mundësuar shlyerje pasive edhe mbi këtë bazë.
Midis masave të propozuara, potencoi drejtori Memov, është dhe ai për punësimin e shfrytëzuesve të pensioneve, me çka atyre do t’u lejohet të vazhdojnë të shfrytëzojnë pensionin e tyre, të kenë të ardhura shtesë, ndërsa Fondi do të ketë shlyerje të bazuar në kontributet e paguara.
Drejtoresha e Sektorit për realizimin e të drejtave nga sigurimi pensional dhe invalidor në FSPIRM, Biljana Stojanova, në prezantimin e saj foli për situatën me numrin e personave të siguruar, strukturën e tyre, si dhe ndryshimet në Ligjin për sigurimin pensional dhe invalidor nga viti i kaluar deri më tani, ndërsa të cilat lidheshin me rritjen lineare të pensioneve në shtator të vitit të kaluar dhe mars të këtij viti.
“Në takim u diskutua edhe mbi realizimin e përfundimeve nga takimi i mëhershëm i vitit të kaluar, pas çka u tha se është arritur përparim i konsiderueshëm në shkëmbimin e të dhënave dhe përmirësimin e bashkëpunimit midis Fondeve”, theksohet në deklaratën e Fondit.
