Strugë, 1 gusht – Kryetari i Komunës së Strugës, Ramiz Merko u ka bërë thirrje qytetarëve që racionalisht ta përdorin ujin e pijshëm dhe rregullisht t’i paguajnë faturat për ujin e shpenzuar.
Keqpërdorimi i ujit të pijjshëm, theksoi, mbetet problem shqetësues në sezonin veror në Strugë dhe fshatrat përreth. Problematike sipas tij, si për keqpërdorim dhe shfrytëzimi jorracional, ashtu edhe për pagesë, janë zonat përreth.
“Ky mesazh ka për qëllim të tërheq vëmendje të kujdesit për ujin dhe të apelojë deri te të gjithë të ndihmojnë në administrimin dhe menaxhimin me burimet e ujit të pijshëm”, theksoi Komuna e Strugës.
Ekipe të NP “Ujësjellës dhe kanalizim” dhe përfaqësues nga bashkësitë vendore nga fshatrat e Strugës dalin në terren që të kontrollojnë keqpërdorime të ujit nga ujësjellësi i qytetit.
Drjetoi i ndërmarrjes Dashmir Nasufi thotë problem kryesor është mosndërgjegja e qytetarëve, por edhe prodhimi i vogël i burimeve, për shkak të temperaturave të larta dhe dimrit të thatë. Ai theksoi se ndërmarrja disponon me katër pompa për furnizim me ujë.
Nga kontrollet e bëra në terren, për të cilat tha se janë bërë me ndërhyrjen e policisë, kanë vërejtur se uji i ujësjellësit të qytetit përdoret për ujitjen e parqeve dhe oborreve. Edhe një herë ai u bëri thirrje qytetarëve që ta përdorin ujin e pijshëm në mënyrë racionale dhe të mos keqpëroret, të cilat do të ulin problemet e furnizimit me ujë gjatë stinës së verës.
Shfrytëzuesit që keqpërdorin ujin e pijshëm do të paralajmërohen me shkrim, ndërsa në rast të përsëritjes së kundërvajtjes sipas Ligjit për furnizim me ujë të pijshëm dhe largimin e ujërave të zeza urbane do të gjobiten deri në 3.000 euro dhe do të shkëputen nga rrjeti i ujësjellësit.
