Microsoft dhe ASUS kanë prezantuar zyrtarisht ROG Xbox Ally, një konzolë portative gaming që funksionon me një version të personalizuar të Windows 11, i optimizuar për prekjen dhe kontrollin me gamepad.
Konsola do të vijë në dy variante: modeli bazë Xbox Ally dhe modeli më i fuqishëm Xbox Ally X.
Modeli bazë është i pajisur me procesorin AMD Ryzen Z2 A, 16 GB RAM LPDDR5X dhe një disk M.2 SSD 512 GB.
Ai mbështet teknologjitë Wi-Fi 6E dhe Bluetooth 5.4, dhe ka dy porta USB 3.2 Gen 2 Type-C, një lexues kartash microSD UHS-II dhe një portë audio 3.5 mm. Bateria ka kapacitet 60 Wh.
Në anën tjetër, modeli Xbox Ally X ka një procesor më të avancuar AMD Ryzen AI Z2 Extreme me një procesor neural të integruar, 24 GB RAM LPDDR5X dhe një disk M.2 SSD 1 TB. Ai ka një port USB4 Type-C, një port USB 3.2 Gen 2 Type-C, si dhe të njëjtat opsione lidhjeje si modeli bazë, por me bateri 80 Wh.
Të dyja modelet kanë një ekran IPS 7 inç me rezolucion 1080p, ndriçim 500 nits, ritëm rifreskimi 120 Hz dhe mbështesin teknologjinë AMD FreeSync Premium, ndërsa janë të mbrojtura nga Corning Gorilla Glass Victus+.
Microsoft ka optimizuar Windows 11 për gaming portativ, duke hequr proceset dhe elementët që ndikojnë në performancë, dhe ka përmirësuar aplikacionin Xbox për të integruar bibliotekat e lojërave nga platforma të ndryshme si Steam dhe Epic Games.
Konsolat pritet të dalin në treg para Krishtlindjeve 2025.
