Shkup, 23 korrik – Në margjinat e panairit për industri ushtarake në Stamboll – IDEF 25, sot ministri i Mbrojtjes Vlado Misajlovski dhe ministri i Punëve të Brendshme, Pançe Toshkovski u takuan me ministrin e Mbrojtjes Kombëtare të Republikës së Turqisë, Jashar Gjyler.
Në takim, siç informoi Ministria e Mbrojtjes, u theksua bashkëpunimi aktiv mbrojtës afatgjatë, i bazuar në vizionin e përbashkët për ruajtjen e stabilitetit dhe sigurisë së rajonit dhe zhvillimin e të dy vendeve.
Ne vazhdojmë të forcojmë partneritetin përmes këmbimit të njohurive dhe ekspertizës në të gjitha fushat, u konkludua në takim.
Ministri Misajlovski iu referua edhe pajisjeve më të fundit të reja dhe të sofistikuara që janë bërë pjesë e arsenalit të Ushtrisë – obusëve “Boran” të prodhimit turk, të cilët janë pjesë e baterisë së artilerisë së deklaruar të Grupit të Batalionit të Këmbësorisë së lehtë. Ai theksoi se: “Ushtria e RMV-së është e bindur në cilësinë e industrisë ushtarake turke” dhe shprehu mirënjohje për mbështetjen e vazhdueshme nga Turqia, veçanërisht në zhvillimin e kapaciteteve të ushtrisë.
“Ushtria e RMV-së po kalon nëpër procesin më intensiv të modernizimit dhe pajisjes ndonjëherë, që padyshim është një investim në sigurinë e qytetarëve të RMV-së. Një ushtri më e fortë do të thotë një mbrojtje kolektive më e besueshme dhe më e sigurt në NATO”, tha ministri.
Mbrëmë, në kuadër të vizitës së tij në Turqi dhe pjesëmarrjes në panairin për industri ushtarake IDEF 25, ministri Misajlovski u takua edhe me kryetarin Agjencisë turke të Industrisë së Mbrojtjes, Haluk Gjorgjun, me të cilin diskutuan për zhvillimin e industrisë ushtarake dhe nevojën për rritjen e investimeve në këtë fushë, si një mënyrë për të forcuar sigurinë e aleatëve.
“Industria ushtarake turke është me interes për mbrojtjen e RMV-së, veçanërisht duke pasur parasysh se Ushtria tashmë është pajisur me gjashtë obusë të rinj 105 mm dhe pajisje shoqëruese nga kompanitë “Boran” dhe “Aselasan” të cilat u promovuan së fundmi në opinionin e Maqedonisë së Veriut”, thuhet në kumtesën.
