Shkup, 18 tetor – Ministri i Punëve të Brendshme, Pançe Toshkovski ka realizuar takim pune me ambasadorin e Mbretërisë së Spanjës, Rafael Soriano Ortiz
Në takim, siç njofton MPB-ja, është konfirmuar bashkëpunimi i mëparshëm i mirë policor në drejtim të shkëmbimit të shpejtë, cilësor dhe efikas të njohurive operative, përkatësisht veprimive të rregullta ndaj kërkesave të dërguara nga të dyja shtetet për lloje të ndryshme të kontrolleve në të gjitha format e krimit të organizuar.
“Të dyja palët ranë dakord se e tërë kjo kontribuon në koordinimin dhe zbatimin më efikas të aktiviteteve me shërbimet kriminale ndërkombëtare, në luftën kundër krimit të organizuar dhe krimeve të tjera serioze dhe se marrëdhëniet dhe bashkëpunimi i këtillë tradicionalisht i mirë do të vazhdojë edhe në të ardhmen”, theksohet në kumtesën e MPB-së.
