Filmi i ri i Jennifer Lopez “Kiss of the Spider Woman” u prit mirë në Festivalin e Filmit “Sundance”, por pavarësisht kësaj, ajo është ende e lënduar nga pengesat e fundit në industrinë e filmit.
Edhe pse “Kiss of the Spider Woman” ka marrë një vlerësim të nderuar, ylli është i tërbuar për nominimin për ‘Golden Raspberry’, çmimin e dhënë për arritjet më të këqija në kinematografi.
Gjegjësisht, Jennifer Lopez është nominuar për ‘aktoren më të keqe’ në filmin “Atlas”.
Sipas një burimi pranë Jennifer Lopez, një tjetër goditje për egon e saj ishte reagimi i kritikëve ndaj filmit të saj autobiografik “This Is Me… Now” dhe për shkak të shitjes së dobët të biletave, asaj iu desh të anulonte premierat.
Me atë rast ajo deklaroi se donte të kalonte më shumë kohë me fëmijët e saj.
“Jennifer po e merr shumë keq. Në këtë pikë, ajo ndihet sikur nuk mund të pushojë. Viti i kaluar ka qenë deri tani më i vështiri i jetës së saj”, tha burimi.
Ajo u divorcua nga Ben Affleck vitin e kaluar dhe së fundmi finalizoi divorcin.
Gjithashtu, mediat më herët raportuan se pavarësisht ndarjes së tyre, Jennifer po ndërmerr hapa strategjikë për të qëndruar pranë Affleck-ut, si emocionalisht ashtu edhe fizikisht.
