Shkup, 1 gusht – Moti sot do të jetë me diell dhe i nxehtë me erë të lehtë deri në mesatare nga drejtim i ndryshueshëm. Temperatura minimale do të jetë në interval prej 9 deri në 18 gradë, ndërsa maksimalja do të arrijë nga 33 deri në 39 gradë. Indeksi UV 9.
Siç informon Drejtoria për Punë Hidrometeorologjike (DPHM) në Shkup do të jetë mot me diell dhe i nxehtë me erë të lehtë nga drejtim i ndryshëm. Temperatura minimale do të bie në 16 gradë, ndërsa maksimalja do të arrijë 38 gradë.
Të premten dhe gjatë fundjavës në orët e pasdites në disa vende do të jetë jostabil me shi të rrëmbyeshëm dhe bubullima, ndërsa lokalisht do të ketë kushte për paraqitje të stuhisë me erë të fortë dhe bubullima. Gjatë fundjavës do të fryjë erë mesatare deri në të përforcuar veriore dhe temperatura e ditës do të bie për disa gradë.
