Shkup, 12 nëntor – Moti do të jetë kryesisht i vranët me paraqitje të mjegullës nëpër lugina. Pasdite dhe në orët e mbrëmjes do të ketë reshje, të cilat në vendet më të ulëta do të jenë të shiut, ndërsa në zonat më të larta malore me borë. Do të fryjë erë e lehtë deri mesatare nga drejtimi verior.
Temperatura minimale do të jetë në interval prej -3 deri 5, ndërsa maksimalja do të arrijë prej 6 deri në 13 gradë.
Në Shkup moti do të jetë kryesisht me vranësira dhe i qetë me paraqitje të mjegullës. Temperatura minimale do të ulet deri 0, ndërsa maksimalja do të arrijë deri 10 gradë.
Në ditët në vijim do të mbajë mot i ndryshueshëm me vranësira dhe më i ftohtë me reshje të kohëpaskohshme të shiut me intensitet të ndryshueshëm, ndërsa në male dhe në disa vende me borë. Në lugina do të ketë kushte për paraqitje të mjegullës.
