Shkup, 30 janar – Moti sot do të jetë me vranësira të ndryshueshme dhe reshje të kohëpaskohshme lokale të shiut, veçanërisht në pjesët jugore, ku do të ketë reshje të rrëmbyeshme të kohëpaskohshme të shoqëruara me bubullima të rralla. Do të fryjë erë e lehtë deri në mesatare nga drejtimi jugor, bëri të ditur Drejtoria për Punë Hidrometereologjike.
Temperatura minimale do të jetë në interval prej 3 deri në 9, ndërsa maksimalja do të lëvizë nga 10 deri në 14 gradë.
Në Shkup moti do të jetë me vranësira të ndryshueshme, në disa pjesë të luginës me kushte për reshje të dobëta të shiut. Temperatura minimale do të zbresë deri në 7, ndërsa ajo maksimale do të arrijë deri në 13 gradë.
Të premten dhe të shtunën, siç njofton DPHM, moti do të jetë i qëndrueshëm, ndërsa të dielën pasdite, gjatë natës dhe të hënën në mëngjes priten reshje të shiut, ndërsa në zonat malore borë. Të hënën do të fryjë erë mesatare deri e fortë veriore e cila do të shkaktojë ulje të temperaturave.
