Shkup, 10 dhjetor – Moti sot do të jetë pjesërisht i vranët, paradite me paraqitje të mjegullës dhe vranësirave të ulëta nëpër lugina. Kryesisht në pjesët jugore të vendit do të ketë reshje të kohëpaskohshme të shiut.
Temperatura minimale do të jetë në interval prej 1 deri në 6 gradë, ndërsa maksimalja do të arrijë prej 7 deri në 13 gradë Celsius.
Në Shkup mot pjesërisht i vranët dhe i qetë, paradite me paraqitje të mjegullës dhe vranësira të ulëta. Temperatura minimale do të ulet deri në 3, ndërsa maksimalja do të arrijë në 11 gradë Celsius.
Sipas parashikimit të DPHM-së, në ditët në vazhdim do të mbajë mot i ndryshueshëm me vranësira dhe jo shumë i ftohtë me periudha me diell. Do të ketë paraqitje të mjegullës në mëngjes ose vranësira të ulëta nëpër lugina ku herë pas herë do të ketë ulje të temperaturës ditore. Në fund të javës së punës, temperaturat e mëngjesit do të jenë disa gradë më të ulëta.
