Shkup, 6 shkurt – Në kuadër të kontrollit aksional në tërë territorin e Republikës së Maqedonisë për sanksionimin e shoferëve, të cilët qarkullojnë me shpejtësi më të madhe se shpejtësia e lejuar, policia dje ka sanksionuar 225 shoferë.
Siç kumtoi MPB, prej tyre 13 shoferë kanë qarkulluar me shpejtësi mbi 50 km në orë nga shpejtësia e lejuar. Poashtu, 113 shoferë e kanë tejkaluar shpejtësinë e qarkullimit në vende të banimit, ndërsa 112 shoferë jashtë vendit të banimit.
Nga MPB paralajmërojnë se kontrollet e përforcuara në trafik do të vazhdojnë edhe në ditët në vijim.
“Apelojmë deri te të gjithë pjesëmarrësit në komunikacion t’u përmbahen rregullave dhe rregulloreve me qëllim të rritjes së sigurisë në rrugë”, kumtojnë nga MPB-ja.
