Shkup, 3 mars – Sipas statistikave të MPB-së, në 10 vitet e fundit, në aksidente trafiku në vend kanë humbur jetën 1220 persona, ndërsa në të njëjtën periudhë janë lënduar 37300 persona, përcjell Telegraif Maqedoni.
Nga MPB thonë se statistikat tregojnë se në 10 vjet janë shkaktuar 9435 aksidente trafiku nga ngasja me shpejtësi më të madhe se norma e lejuar, ndërsa në të njëjtën periudhë mosrespektimi i rregullave të përparësisë ka qenë shkak për 6754 aksidente trafiku. Në 10 vitet e fundit, mosmbajtja e kalimit dhe drejtimit të lëvizjes ka qenë shkak i 5167 aksidenteve në komunikacion, ndërsa lëvizja dhe kthimi jo i rregullt ka qenë shkaktar i 4124 aksidenteve, ndërsa 2762 aksidente trafiku janë shkaktuar nga drejtimi i automjetit nën ndikimin e alkoolit.
Në të njëjtën periudhë në kryeqytet janë shkaktuar 2.969 aksidente trafiku për shkak të mos respektimit të rregullave të kalimit, pasuar nga Tetova me 794 aksidente, Manastiri me 682 aksidente, Ohri me 588 aksidente, Shtipi me 440 aksidente, Velesi me 389 aksidente dhe Strumica me 361 aksidente.
