Shkup, 27 shkurt – Pasi ish-Presidenti i Bullgarisë, Rumen Radev, tha se dëshironte që Maqedonia të fillonte negociatat me BE-në sa më shpejt të jetë e mundur, por se kushti për ndryshimet kushtetuese mbetet, Ministri i Punëve të Jashtme të RMV-së, Timço Mucunski, tha se vendi po lobon tek të gjitha vendet anëtare të BE-së për fillimin sa më të hershëm të negociatave, si dhe tek Bullgaria.
“Ne po lobojmë për racionalitet dhe vetëdije se është në interes të Bullgarisë fqinje që vendi ynë të fillojë negociatat sa më shpejt të jetë e mundur. Gjithashtu uroj që ish-Presidenti Radev të jetë i sinqertë në ato qëllime dhe deklarata.
Sigurisht, ai është një nga kandidatët për kryeministër dhe nëse bëhet kryeministër i vendit fqinj, ai do të jetë një nga ata njerëz me të cilët do të duhet të bashkëpunojmë dhe të punojmë për gjetjen e zgjidhjeve”, tha Mucunski në emisionin “Samo Intervju”.
Ish-presidenti i Bullgarisë, Rumen Radev për “Berliner Zeitung” tha se sipas konsensusit evropian të korrikut 2022, Maqedonia duhet të ndryshojë Kushtetutën e saj dhe t’i përfshijë bullgarët në mënyrë të barabartë me popujt e tjerë në Preambulë, dhe vetëm atëherë mund të fillojnë negociatat e anëtarësimit në BE.
