Shkup, 28 prill – Në Komisionin Kuvendor për Çështje të Zgjedhjeve dhe Emërimeve, anëtar i Këshillit të Prokurorëve Publikë ishte votuar Vedat Saliu ndërsa për anëtar të Komisionit për mbrojtje nga konkurenca ishte votuar Naser Zharku.
Në seancën e sotme, u miratua një projekt-vendim për emërimin e anëtarit të Komisionit për mbrojtje nga konkurrenca. Sipas kushteve për emërim të kryetarit dhe anëtarit të komisionit, për anëtar emërohet një person që i plotëson kushtet, të jetë shtetas i Maqedonisë, të mos ketë vendim gjyqësor të formës së prerë me gjobë ose me sanksion kundërvajtës, të ketë të paktën 240 kredi sipas EKTC ose të ketë përfunduar juridikun ose ekonominë të nivelit të shtatë. Të ketë pesë vjet përvojë pune në juridik ose ekonomik, të ketë njohuri të veçanta nga fusha e konkurrencës, e drejta tregtare, menaxhment, financa, prokurime publike, procedurë kundërvajtëse, procedurë administrative. Të posedojë certifikatë të njohur ndërkombëtarisht për njohje aktive të gjuhës angleze dhe të mos jetë anëtar i ndonjë organi të partisë politike.
Në shpallje ishin paraqitur disa kandidatë, ndërsa Naser Zharku ishte propozim i deputetit Riad Shaqiri.
Pastaj, u iniciua procesi i përcaktimit të një propozimi për zgjedhjen e një anëtari të Këshillit të Prokurorëve Publikë. Një person zgjidhet anëtar i Këshillit nga radhët e profesorëve të drejtësisë universitare, avokatëve, ish gjyqtarëve të Gjykatës Kushtetuese, gjyqtarëve ndërkombëtarë dhe juristëve të tjerë të shquar që plotësojnë kërkesat, shtetas, i diplomuar në drejtësi me të paktën pesë vjet përvojë pune, me provim të dhënë të jurisprudencës, i dalluar për punë shkencore ose profesionale dhe aktivitet publik. Të mos jetë dënuar me vendim gjyqësor të formës së prerë për veprën penale të shpërdorimit të detyrës dhe autoritetit zyrtar, ose për ndonjë vepër tjetër penale.
Edhe një herë, pati disa kandidatë të regjistruar dhe Vedat Saliu ishte sugjeruar nga Riad Shaqiri. Propozimi i Komisionit do t’i paraqitet Kuvendit.
