Shkup, 23 korrik – Për shkak të frekuencës së shtuar të automjeteve në vendkalimin kufitar “Tabanoc” për hyrje dhe vendkalimin kufitar “Bogorodicë” për dalje nga vendi pritet prej 30 deri 40 minuta. Në vendkalimet tjera kufitare në anën e Maqedonisë, nuk ka vonesa më të gjata për hyrje dhe dalje nga vendi.
Siç informon LAMM, sot nga ora 08:00 – 17:00 për shkak të sigurimit të një gare me biçikleta, qarkullimi në rrugën rajonale në fshatin Dobroshan drejt Sveti Nikollës, deri në vendin e quajtur Uji i Ftohtë, do të ndërprehet.
Në periudhën nga ora 09:00 deri në 14:00, për shkak të sigurimit të një gare me biçikleta, komunikacioni në rrugën e vjetër për Kriva Pallankë në pjesën e quajtur Salon, afër restorantit “Femili”, në rrugën rajonale Kumanovë – vendkalimi kufitar “Pelince”, deri te Qendra Memoriale ASNOM në fshatin Pelince, do të ndërprehet.
Përkohësisht, mbyllja e rrugës rajonale Kumanovë – vendkalimi kufitar “Pelince” është planifikuar edhe për nesër.
LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
