Prishtinë, 7 gusht Zhurnal.mk – Partia Demokratike e Kosovës (PDK) ka mbledhur grupin e saj parlamentar për të diskutuar dhe vendosur mbi veprimet e mëtejshme, pasi seanca konstituive e Kuvendit është thirrur për ditën e nesërme, pas përfundimit të afatit kushtetues.
PDK ka kërkuar nga Lëvizja Vetëvendosje që seanca konstituive të mbahet sonte, duke vlerësuar se vonesat në procesin e konstituimit të institucioneve janë të papranueshme.
Edhe Lidhja Demokratike e Kosovës (LDK) i është bashkuar kësaj kërkese, duke i bërë thirrje Vetëvendosjes që të sigurojë mbajtjen e seancës konstituive gjatë mbrëmjes së sotme, në mënyrë që të respektohen procedurat dhe afatet kushtetuese.
Ndërkohë, Aleanca për Ardhmërinë e Kosovës (AAK) ka nisur një kërkesë drejtuar partive opozitare për thirrjen e një seance të jashtëzakonshme, si pjesë e veprimeve të tyre lidhur me situatën e krijuar.
