Tiranë, 5 prill argument.mk/ – Ka nisur etapa e parë e garës së çiklizmit e vlefshme për Kupën e Shqipërisë. Të rriturit kanë përshkruar aksin Ura e Bushtricës – Korçë, 101 km e gjatë ku fitues ka rezultuar çiklisti i ekipit të Tiranës, Henri Hysa, i cili u mbështet nga një tjetër çiklist i këtij ekipi si Olsi Veliaj, i cili mund të merrte vendin e tretë të kësaj etape.
Për Hysën, era ishte në favor ndërsa Veliaj tregon se çiklizmi nuk po mbështetet.
“Ishte era në favor pas Qafë Pllocës. Ishte kundërshtar i fortë. Ishim dy veta dhe kishim favor dy kundër një. Ndodhi në majë të Qafë Thanës, aty ku u ndanë çunat, në disheze u shkëputa une Olsi e kosovari. Në finish i shkëputa vetem Në 15 km e fundit, erdha në finish vetem. Me pëlqeu rruga e re, gara shkoi mirë”, tha Henri Hysa.
” Të jemi realist sporti i çiklizmit është në rënie sepse rinia nuk po angazhohet me shume, jo vetëm në çiklizëm por e ne sportet e tjera. Edhe publiciteti nuk i behet. Unë si sportist i ekipit të Tiranës kam vetëm trajtim ushqimor. Kam 22 vite si sportist nuk kam patur asnjëherë mbështetje, e kam bërë me financiat e familjes, të isha më mbështetjen e klubit apo federatës do e kisha lënë para 20 vitesh”, tha Olsi Veliaj.
Një djalë i talentuar në çiklizëm po del nga Korça si Nedion Demiri i Skënderbeut, i cili mundi të fitojë në kategorinë kadet, e përshkruar nga Pojska në Korçë me gjatësinë 71 km
” Gara shkoi mirë, pak më vështirësi, kishte konkurrencë nga vendet e tjera por me stërvitjen që bëmë, arrita të fitoja vendin e parë. Në finish vetëm. Kam 3 vite. Kampion”, u shpreh Nedion Demiri
Gara e çiklizmit e vlefshme për Kupën e Shqipërisë do të vijojë edhe në ditët në vijim, duke përshkruar Zemblak – Korçë, Kapshticë – Korçë e duke shkuar e ne qarqet e tjera të Shqipërisë.
