Me nisjen e sezonit turistik, Policia Bashkiake në Shkodër ka ndërmarrë një aksion me synim lehtësimin e lëvizjes për qytetarët vendas dhe turistët e huaj.
Aksioni i Policisë Bashkiake është përqendruar sot në Velipojë, aty ku ka nisur edhe prishja e vendkalimeve të paligjshme për automjetet përgjatë pedonales.
Kryetari i bashkisë së Shkodrës, Benet Beci u shpreh se ky aksion i ndërmarrë nga Policia Bashkiake dhe Ndërmarrja e Shërbimeve Publike çon në lirimin e hapësirave të dedikuara për këmbësorët.
Sipas Becit, çdo ndërhyrje që cenon sigurinë e qytetarëve nuk do të tolerohet.
Investimet e kryera në Velipojë, transformimi i hapësirave, sistemimi dhe pastërtia kanë bërë që Velipoja të kthehet në një ndër destinacionet më të preferuara për turistët vendas e të huaj gjatë viteve të fundit. /j.p/
