Shkup, 9 mars – Kandidati i BDI-së për president, Bujar Osmani sonte në konventën e partisë për prezantimin e tij tha se një nga arsyet se ai është futur në garë është që të parandalojë ndikim rus në vendin tonë. Osmani tha se Rusia nuk është vend mik i Maqedonisë së Veriut.
“Rruga nuk është e lehtë, ardhmëria në vendin tonë është e kërcënuar edhe nga jashtë. Rusia nuk është miku ynë, një nga interesat strategjike ruse është që Ballkani të mbetet jashtë BE-së dhe NATO-s. Por ne rrugën tonë e kemi zgjedhur që moti, ne jemi shumë të qartë, për ne dielli lind në Perëndim. SHBA, BE, NATO, këto fjalë duhet t’i përsërisim më shpesh, me që vëllezër dhe motra dikush te ne po harron kush janë miqtë e kush janë armiqtë tanë, dhe ne jemi këtu për të ia kujtuar me vepra gjithsecilit, se përcaktimi ynë është i pakthyeshëm, SHBA, BE NATO. jo Rusisë, jo Kinës, jo Bjellorusisë”, tha mes tjerash Osmani.
Osmani thotë se do të jetë njeriu i politikave që i japin përparësi qëndrueshmërisë, duke promovuar praktika ekologjike dhe një qeverisje të përgjegjshme me llogaridhënie.
“E kam provuar para jush se e mbaj fjalën e dhënë. Tani po kërkoj mundësinë për ta provuar para gjithë qytetareve te Maqedonisë se Veriut” tha Osmani ne fjalimin e sontëm ne Kale.
“Si baba krenar i tre femijeve, jam i vetedijshem per mundin e shkrire ne formesimin e se ardhmes se popullit tone. Si te gjithe prinderit, edhe une enderroj per nje Maqedoni, ne te cilen femijet tane te rriten dhe te perparojne, te lire per te realizuar endrrat dhe aspiratat e veta, duke marre nga ne trashegim paqen dhe mundesi te pakufizuara per prosperitet dhe barazi” theksoi Osmani.
“Pikerisht ky vizion per nje te neserme me te ndritur e ushqen pasionin tim per sherbimin publik dhe me frymezon te punoj pa u lodhur” shtoi Osmani duke perfunduar “E ardhmja jone eshte vetem ne Bashkimin Evropian dhe kete duhet t’ua sigurojme qytetareve tane”.
